اصبر شوية...

الدليل الكوى

س: واش عند التدخين شي تأثير على الممارسة الجنسية؟

بالنسبة للراجل، التدخين عندو علاقة مباشرة بالأداء الجنسي فالفراش. دراسات لقات بلّي الرجال اللّي كيكميو كيعانيو من مشاكل الانتصاب اكثر من الرجال اللّي ما كيكميوش. والعلاج ديال مشاكل الانتصاب عند الرجال اللّي كيكميو اصعب من العلاج ديالها عند هادوك اللّي ما كيكميوش. حيت باش الراجل يقيّم خاص يكون عندو تدفق مزيان للدم فزيزي ديالو، هادشي اللّي كيخليه يزنطط ويحافظ على الانتصاب ديالو فالفراش. المواد اللّي فالكارو كتأثر على تدفق وحركة الدم فالجسم الشّي اللّي يقدر ما يخليش الراجل يقيم مزيان. كاينين دراسات اللّي لقات بلّي كارو واحد قبل الكوى يقدر يضعف الانتصاب عند الراجل بنسبة 20%، غير هو الواحد ملّي كيكون  صغير فالسن غالبا مكيردش البال لهاد النقص ما حد الجهد كاين. بالنسبة للمرا اللّي كتكمي، واخا هو التركيز كان بالدرجة اللّولة على التأثير ديال الكارو على الرجُل المُدخن، كاينة دراسات اللّي لقات علاقة بين التدخين ومشاكل المتعة الجنسية عند العيالات، حيت تماما كيف ما كيأثر الكارو على تدفق الدم فزيزي ديال الراجل ويضعف الانتصاب ديالو، كيف ما يقدر يأثر على تدفق الدم فالتوتو حتى هو، الشّي اللّي غايصعب على المرا تفزك وكينقص المتعة الجنسية. هذا غير أن الكارو مسؤول عن أغلب حالات سرطان عنق الرحم، حيت كيضعف المناعة، وكيصعب على الجسم ينقي راسو من الفيروسات، وكيعطي لفيروسات الورم الحليمي البشري Papillomavirus humain فين تّكاثر، وكاينة أنواع من هاد الفيروس، منتشرة وعندها علاقة مُباشرة بسرطان عنق الرحم.

خلّي تعليق

الإيميل ديالك ما غاديش يبان للناس.