اصبر شوية...

الدليل الكوى

س: واش الراس ديال التكفات بحالو بحال ديال الكوى؟

بزاف ديال الناس كيسحاب ليهم بحال الكوى بحال التكفات، حيت بجوجهم كيجيبو الراس، مع أنهم مختالفين والحاجة الوحيدة المشتركة بيناتهم هي أنهم نوع من الجنس. الواحد كيكفت حيت التكفات ساهل، ما فيهش المشاكل، ومافيهش فريع الراس وكيقضي غرض. فالمقابل الكوى طريقة كيعبر بيها الإنسان وكيتقاسم بيها جزء منو مع شخص آخر عن طريق الجنس، بغض النظر على أنو كيقلل التوتر والضغط، الكوى كيعطي إحساس بالأمان والثقة والحب. غير هو فيه التعنكيش، حيت خاصك تاخد بعين الاعتبار الحاجيات ديال الطرف الآخر والرغبات ديالو، وغالبا ما كتلقى راسك خاصك تدير تنازلات. على مستوى الأوركازم، الراس ديال التكفات ساهل، وهادي مسألة بديهية .. حيت ما كاينش اللّي غادي يعرف لقوالبك قدك، ولكن علميا، لقاو بلّي أوركازم ديال كوية فاعلة تاركة يقدر يخلّي الجسم يطلق من هرمون البرولاكتين 400 فالمية اكثر من اللّي كيطلقو بالتكفات. وهو الهرمون المسؤول على داك الإحساس بالاسترخاء والراحة والدنيا هانية والسما صافية اللّي كيحسو الواحد بعد ما يجيب الراس، هذا غير أنو ما كيخليش داك الإحساس بالوحدة اللّي يقدر يخليه التكفات.

خلّي تعليق

الإيميل ديالك ما غاديش يبان للناس.