اصبر شوية...

الصحة

الكوى كيحمي من سرطان الثدي، سرطان البروسطاط وأمراض القلب

كاينين بزاف ديال الدراسات كتأكد بلّي الرغبة كتساهم فطول العمر. حيت المتعة فالممارسة الجنسية كتخلّي الواحد يكون ناشط وسعيد، وهادشي مزيان للجهاز المناعي. اللّذة الجنسية هي مصدر للطاقة، وكتعاون على التوازن الهرموني فالذات، والتدفق ديال الأندورفين فالدماغ فالوقيتة فاش كيجي الراس كيزيد الشعور بالنشوة والسعادة: كيرخي، كينقص من التوتر والقلق، وكيعاون على النعاس باش الجسم يعوض الطاقة اللّي تحرقات. زيد على هذا كيقدر يحمي بنسبة كبيرة من بزاف ديال الأمراض.

سرطان الثدي

الأوكسيتوسين هو الهرمون اللّي كيعطينا إحساس بالنشوة والمتعة، وحنا معانقين وملاصقين بعضياتنا، مع المُداعبات والبوسان، باش كيوصل للحد الأقصى ديالو فالدم الوقيتة فاش كنكونو كنجيبوه. هاد الهرمون معروف عليه كيطور الارتباط ديال الأم ولوليد ديالها فاللّول ديال الولادة. من الناحية الصحية، الأوكسيتوسين كيحمي من سرطان الثدي، كيتطلق مع المداعبة ديال الريوس ديال البزازل فالممارسة، وكيقدر يقضي على العناصر المسببة للسرطان من الغدد الثديية. دراسة لقات أن العيالات اللّي كيتداعب الصدر ديالهم بانتظام محميات اكثر من سرطان الثدي، والدورة الدموية عندهم كتحرك مزيان بسبب الكوى. الممارسة الجنسية بانتظام كتقلّل من الالتهابات اللّي كيقدرو يديرو السرطان، وحتى إذا ما كان جهد للكوى، مزيان تدار المداعبة مرة مرة واخا ما توصلش للممارسة.

سرطان البروسطاط

دراسة أمريكية تدارت على 30000 راجل، وأكداتها دراسة أسترالية، لقات بلّي القذف كيقلّل احتمال المرض بسرطان البروسطاط. إحصائيات دقيقة كتبين أن ابتداء من 12 راس عند الراجل فالشهر كيبان المعنى، و21 مرة كيقذف فيها فالشهر كتقلّل خطر الإصابة بهاد المرض للثلث، حيت التدليك والاحتكاك ديال البروسطاطا أثناء الممارسة والخروج ديال الحيوانات المنوية فحالة القذف، كيعاون فالخروج ديال الخلايا المسببة للسرطان. من جهة اخرى الدراسات كتقول بلّي إلا ما كانش الكوى والدّيه وجيبو، التكفات بوحدو كيقدر يحمي البروسطاط من السرطان.

أمراض القلب

رايجة واحد الفكرة مغلوطة كتقول بلّي الكوى كيشكل خطر على القلب. بالعكس، عند المرا الامتناع على الممارسة الجنسية، التقلال منها، أو أنها ما تقنعش وما تشبعش فالفراش هو اللّي كيقدر يزيد من خطر الإصابة بالنوبة القلبية. عند الرجال، دراسة دارتها جامعة بريستول الإنجليزية كتقول : خطر الموت بسبب الأمراض ديال القلب كينقص للنص عند الرجال اللّي عزيز عليهم الكوى وكيتكواو بزاف. الكوى تمرين جسدي مفيد، كيزيد من معدل الضربات ديال القلب وكينشط الدورة الدموية، وكيخوي الذات من السموم من خلال العرق.

خلّي تعليق

الإيميل ديالك ما غاديش يبان للناس.