اصبر شوية...

موضة

الكالصون ولا الكارصون، شنو احسن للخصوبة عند الرجال؟

الملابس الداخلية عند الرجال كيف عند العيالات، الغرض منها ماشي هو المظهر والشكل، الإثارة والإغراء فقط. الملابس الداخلية عند الرجال مسألة راحة حتى هي ويقدر يكون عندها تأثير على الخصوبة. دراسة أكداتها مجلة علمية للتكاثر البشري، كل ما تزاد النشاط ديال البيضات، كل ما كيعطي فرص أكبر للولادة. وقالت الدراسة بلّي الرجال اللّي كيلبسو الكالصون كيكون عندهم تركيز الحيوانات المنوية اكثر من الرجال اللّي كيلبسو حوايج داخلية مزيرة.

هادشي وصلو ليه بعد ما دارو تحليل للمني ديال 656 راجل بين سنة 2000 و2007، فقسم المساعدة على الولادة فمستشفى ماساتشوستش فبوسطن. هاد الدراسة هي الأولى اللّي ما كتركزش فقط على النوعية ديال الحيوانات المنوية، ولكن على بزاف ديال المؤشرات، بحال الهرمونات ديال الولادة، والمُخلفات ديال الحمض النووي للحيوانات المنوية.

الدراسة اعتمدت على شنو كيلبسو اكثر هاد الرجال. 53 فالمية كانو كيلبسو الكالصون، و47 فالمية كانو كيلبسو ملابس داخلية مضيقة بحال السليب. فاش قارنو بيناتهم حسب هادشي والعوامل الأخرى اللّي كتقدر تأثر على المني بحال: الحالة الصحية، النشاط البدني والتدخين. لقاو بلّي الحيوانات المنوية محركة اكثر بـ 33 فالمية عند صحاب الكالصون.

من جيهة اخرى، دراسة علمية كتقول بلّي اللباس الداخلي الواسع كيعاون على الخصوبة، حيت الإنتاج ديال الحيوانات المنوية كيحتاج درجة حرارة مثالية فالمنطقة ديال الحجر وعند البيضات وهي 22 درجة مئوية، اللّي شوية قل من الحرارة ديال الذات وهادشي علاش البيضات كيكونو خارجين وماشي وسط الجسم. فالحين اللّي الملابس الداخلية الضيقة وحتى السراول المزيرة كتصهد البيضات وكتنقص من الإنتاج ديال المني، الشّي اللّي يقدر يقلص من الخصوبة.

الاختصاصيين كينصحو الواحد على قبل الخصوبة، خصوصا إذا كان كيلقى مع الزوجة ديالو مشاكل فالإنجاب، يتجنب ما أمكن الملابس الداخلية المضيقة، يكثر من الجلاس، ويبقى يتحمحم بالسخون.

خلّي تعليق

الإيميل ديالك ما غاديش يبان للناس.