اصبر شوية...

الصحة

الراس الزربان عند العيالات

معروفة ومنتشرة ديك القضية ديال ماشي ساهل المرا تجيب راسها، وبلّي العيالات كيخصهم بزاف باش يجيبوه. ولكن اللّي ما كاينش بزاف وقليل هو فاش كتجيبو المرا بالخف وعلى السريع، نيشان من بعد الإيلاج، أو حتى قبل ما يدخل وغير بشوية ديال اللّعب والمُداعبات.

مجموعة ديال الباحثين البرتغالين دارو دراسة بعنوان “الراس الزربان، واش كاين بصح؟”، وخرجو بنتائج ومعلومات جديدة على هاد الموضوع . 510 ديال العيالات بين 18 و45 عام جاوبو على أسئلة الباحثين، اللّي فصّلوها وحللوها باش يخرجو من بعد بهاد الاستنتاجات. لقاو بلّي 4 من 10 ديال العيالات كتجيهم هاد الحالة ديال الأوركازم الزربان مرة مرة، وكيجيبوه دغية دغية، و16.9 فالمية كيجيهم غالبا أو ديما فكل راس (4 من 10 ديال العيالات فيهم، ما كيسبب ليهم حتى مشكل). تقريبا 14 فالمية ما كيقدروش يتحكمو فيه فمرة، الوقت اللّي 41 فالمية منهم نادرا فاش كيقدرو يعطلوه.

من غير 3 فالمية ديال العيالات اللّي معنكشاهم هاد القضية وكيشوفوها مشكيلة بالنسبة ليهم. الأغلبية ديال العيالات كتجيهم ميزة وحاجة زوينة أنك توصلي لقمة النشوة الجنسية ديالك فأقل وقت، وخصوصا إذا تلاقات مع الطرف الآخر حتى هو خفيف ظريف وما كيتعطلش، وحتى إذا كان عندو القذف السريع غادي تكون جابت راسها بلاصة ما تبقى بلاش.

هاد الدراسة كتقول بلّي فقط 3.5 فالمية من العيالات اللّي كيجيبوه دغيا عندهم مشاكل مع الطرف الآخر بسبب هادشي، أما الباقي عايشين الحياة السعيدة وما كاين غير الدق والسكات، حيت المرا عموما ما كتحتاجش وقيتة للاستراحة من الراس (من غير بعض العيالات اللّي كيولّي الحجر ديالهم حساس من بعد الممارسة وكيصعاب عليهم يكملو) عكس الراجل اللّي كيحتاج شي دقايق باش يعاود يقيم. هادشي كيخلّيها تكمل مع الراجل حتى يجيبو، وعلاش لا تجيب حتى هي الثاني وتضوبل المتعة.

إلا كان الراس الزربان كيدير ليكم مشكل فحياتكم الجنسية، كاينة طرق ولعيبات اللّي تقدر تعطل الراس، وتخلّيكم تكاواو وقت اطول، بحال أنكم ما تركزوش بزاف على المُداعبات وخصوصا المناطق الحساسة عند المرا بحال الريوس ديال البزازل والكليتوريس، تختارو وضعيات ما كتشعلش الطرح من اللّول، تحاول المرا ما تركزش بزاف على النشوة واللّذة حتى تحس بالطرف الآخر قريب، وتتقلو الإيقاع ما أمكن فالدّيه وجيبو.

خلّي تعليق

الإيميل ديالك ما غاديش يبان للناس.